Duela 10 urtetik hona ezagutzen ditugu matematikaren ikaskuntza eta irakaskuntzan GeoGebra tresnaren erabilera egokia dela egiaztatzen duten esperientzia eta ikerketa ugari; batez ere, Bigarren Hezkuntzan ematen da egokitzat tresna hau. Oraingoz, trebakuntza ikastaroak tresnaren erabilera teknikoan oinarritu dira, eta ez da horrenbeste sakondu ikaskuntza eta irakaskuntzari dagozkien beste aspektu batzuetan. Instrukzio tekniko hori jaso duten irakasleek badakite zaila dela tresna eguneroko lanean eraginkortasunez txertatzea, eta zenbaitetan, ilusio bat gertatzen da, zeinaren arabera pentsatzen den irakasleak tresnaren instrukzio informatikoan trebatuz gero horiek automatikoki jakingo dutela erabiltzen euren matematikako klaseetan. Irakasle horiek berek eskatu egiten dituzte ikaskuntza eta irakaskuntza prozesuen analisietan eta ikerketetan oinarriturik dauden adibideak eta tresna erabiltzeko argibideak.
Baliabide hauen asmoa da, hain zuzen ere, aspektu horietan sakontzea.
