A construción desta figura ou a súa utilización unha vez rematada, debe permitir cubrir os seguintes obxectivos:
• Representación de planos mediante a introdución das súas ecuacións.
• Obtención xeométrica de rectas como intersección de planos. Expresión analítica.
• Resolución xeométrica dun sistema de tres ecuacións con tres incógnitas con solución única.
• Resolución analítica dun sistema de tres ecuacións con tres incógnitas e clasificación en función do número de solucións existentes.
• Interpretación xeométrica dos tres casos de sistemas con tres ecuacións e tres incógnitas (SCD, SCI e SI): solución única, infinitas solucións ou sen solución.
• Construción dunha figura en 3D, xerada polas interseccións de tres planos co eixeX, no caso en que o sistema que definen teña solución única (a cal determinará o cuarto vértice do tetraedro resultante).
• Uso de utilidades de GeoGebra: ferramentas, propiedades de obxectos, condicións de visualización, aspectos, configuración e escala da vistas gráficas, ..., para mellorar a metodoloxía da aprendizaxe dos contidos curriculares que se desexan abarcar.
• Análise da construción en multitude de casos derivados da posibilidade de definir os planos que se desexen. Utilidade na extracción de conclusións.
• Aproveitamento do escenario para a elaboración doutros estudos similares ou máis complexos.
