MATESGG: Matemáticas e GeoGebra

A Federación Española de Sociedades de Profesores de Matemáticas (FESPM), en colaboración co Instituto Nacional de Tecnoloxías Educativas e de Formación do Profesorado (INTEF) e co Centro Internacional de Encontros Matemáticos (CIEM), desenvolveu o proxecto MATESGG. É un espazo no cal se pon a disposición do profesorado unha selección de materiais elaborados coa ferramenta GeoGebra a través dunhas guías didácticas creadas coa ferramenta de autor eXeLearning. Nestas guías, o profesorado atopará información detallada sobre o recurso: información curricular, propostas de uso, material complementario, o arquivo fonte da guía (grazas ao cal poderemos editar, modificar e adaptar a guía ás nosas necesidades), así coma o propio recurso en modo interactivo. Acceso a través de www.matesgg.es.