Medición dunha altura por observación dobre
- Persoa autora:
- Paulo Glez Ogando
O problema
Para medir a altura do Arco atopámonos cunha dificultade: non se pode realizar unha medida polo chan cercana ao pé do Arco, xa que está rodeado por unha estrada e pasan coches seguido.
Para solventar este impedimento, realízanse dúas medicións máis alonxadas e tómase o ángulo dende cada unha.
Pasos a seguir:
- Debuxa dous puntos no chan (xa está trazado, en vermello). Aí poden situarse dúas persoas para tomar as medidas, unha en cada punto.
- Debuxa dous triángulos rectángulos que pasen polo punto máis alto do Arco do Triunfo, e cada un deles por un dos dous puntos onde están situadas as persoas.
- Mide os ángulos de ambos os triángulos e asegúrate de que son rectángulos. Toma nota dos ángulos que se forman onde están colocadas as persoas.
- Mide a distancia entre o punto onde se colocou unha das persoas e o punto onde se colocou a outra.
- Efectúa os cálculos trigonométricos necesarios para calcular a altura do Arco do Triunfo (en metros). Ten en conta que a foto está tomada de tal xeito que a escala, onde está ese punto máis alto, é de 1:600.