Зочин илтгэгч
Жуви Лизет М. Гервасио
Филиппиний Нээлттэй Их Сургуулийн Цахим Багшлахуй, Суралцахуйн төв
PhD доктор Жуви Лизет М. Гервасио нь Филиппиний Нээлттэй Их Сургууль (UPOU)-ийн Нээлттэй болон Дижитал багшлахуй, суралцахуйн төвийн захирал юм. Тэрээр мөн UPOU-ийн Төрийн удирдлагын магистрын хөтөлбөрийн дэд профессор, хөтөлбөрийн даргаар ажиллаж байсан.
Тэрээр Насан туршийн боловсролын асуудлаарх Ази-Европын уулзалт (АСЕМ)-ын судалгааны зохицуулагчийн нэгээр ажиллаж байсан бөгөөд 2021 оноос хойш Ази, Номхон далайн бүс нутгийн үйлдвэрчний эвлэлүүдийн чадавхийг дээшлүүлэх төрөл бүрийн хөтөлбөрүүдэд Олон улсын сургалтын төв, Олон улсын хөдөлмөрийн байгууллага (ILO)-д хөндлөнгийн хамтрагчаар ажиллаж байна.
Тэрээр 2024 оны 7-р сараас 9-р сар хүртэл Чулалонгкорн Их Сургуульд зочин эрдэмтэн байсан бөгөөд суралцагч төвтэй сургалт, хиймэл оюун ухааны судалгааны сэдвээр семинар хийсэн. Түүний судалгааны бүтээлд Онлайн боловсрол, Насан туршийн боловсрол, Чадавхийг хөгжүүлэх, Төрийн удирдлагын чиглэлээр хэд хэдэн сэтгүүлийн нийтлэл, номын бүлгүүд багтсан болно.
Доктор Гервасио Боловсрол ба МХХТ-ийн (Цахим сургалтын) чиглэлээр Испанийн Барселон хотын Оберта де Каталунья их сургуульд докторын зэрэг, Германы Потсдамын их сургуульд Төрийн удирдлагын магистрын зэрэг, Филиппиний их сургуульд хүн ам зүйн чиглэлээр урлагийн магистр, урлагийн бакалаврын зэрэг тус тус хамгаалсан.
Санлигийн Бадрал
"Чимэгэ Системс" ХХК, гүйцэтгэх захирал
Технологийн салбарт хувьсгал хийж буй манлайлагч – Санлигийн Бадрал.
Тэрээр Монголын мэдээллийн технологийн ирээдүйг тодорхойлогчдын нэг бөгөөд Дэлхийн шилдэг их сургуулиудын нэг болох Германы RWTH Aachen-д программ хангамжийн архитектурын чиглэлээр магистрын зэрэг хамгаалсан.
“Болорсофт ХХК”-ийг үүсгэн байгуулж, цахим орчинд кирилл болон монгол бичгээр чөлөөтэй харилцах боломжийг бүрдүүлж, хүний сонсгол, яриаг хиймэл оюун ухаанаар таних, боловсруулах технологи дээр үндэслэн “Чимэгэ Системс” ХХК байгуулж, Монголын анхны үндэсний суурь хиймэл оюуны загварыг амжилттай хөгжүүлсэн.
Энэхүү технологийн гол бүтээгдэхүүн болох “Эгүнэ AI” нь монгол хэл, соёл, сэтгэлгээг шингээсэн ухаалаг чатбот. Одоогоор баг хамт олноороо “Олон соёл иргэншилт дэлхийг үлдээх” зорилгынхоо хүрээнд соёлын онцлогийг шингээсэн "ухаалаг хиймэл хүн" бүтээхээр судалгаа, хөгжүүлэлтийн ажлаа эхлүүлжээ.
Түүний бүтээлүүд зөвхөн технологийн дэвшлийг авчраад зогсохгүй, Монголын ирээдүйн хөгжлийн чиг хандлагыг тодорхойлоход чухал хувь нэмэр болж байна.