Дээд боловсролын сургалтанд МТ-ийн дэвшлийг хэрэглэж байгаа нь
- Зохиогч:
- Navchaa Tserendorj
Сэдэв: “Дээд боловсролын сургалтанд МТ-ийн дэвшлийг хэрэглэж байгаа нь”
Илтгэгч: Д.Сэрдарам, ШУТИС-ийн НТС-ийн багш, дэд проф., доктор
Хэзээ: 2011 оны 12 сарын 09-нд 16.20 цагаас
Хаана: МУИС, МКС, 228 тоот
Хураангуй
Залуучуудын “амьдрах шаардлагын хэрэгцээ” болсон мэдээллийн технологийн энэ дэвшлүүдийг боловсролын салбар ойлгож, өөртөө үр өгөөжтэйгээр ашиглахын тулд хурдан хугацаанд шинэчлэгдэж байх шаардлага тавигдаж байна. Мэдээлэл Холбооны технологийн дэвшил нь тухайн асуудлыг аль хэдийн шийдвэрлэгдчихсэн боловч амьдрал дээр сэтгэлгээний хоцрогдол, хүнд сурталтай тогтолцоо нийгмийн олон салбарт одоо хүртэл байгаа нь Кибер соёлын төлөвшилд чөдөр тушаа болсоор байна. Жишээ нь, зарим нэг хичээлийн бие даалт, шалгалтыг он лайнаар авахаас гадна оюутнуудаар блог хөтлүүлэх, Wikipedia дээр эх хэлээрээ мэдээлэл оруулах, он лайн ярилцлага өрнүүлэх, хайлтын мэдээлэл дээр анализ хийлгэх, эссе бичүүлэх гээд сургалтын олон аргыг хэрэглэж болох боломж бүрдчихсэн байна.
Оюутан залуучууд өнөөдөр онолын дүгнэлттэй ном сурах бичиг уншаад үзэл бодлоо төлөвшүүлэх бус дэлхийд хамгийн их эрэлттэй байдаг шинэ мэдээллүүд, хурдан өрнөж буй үйл явдлуудыг ажиглаж, түүнд тулгуурлан дүгнэлт хийх, даган дуурайх үйл явцад илүү их анхаарлаа хандуулдаг болжээ. Тиймээс онолын тулгуур мэдлэг байхгүй, хийсвэр өнгөц мэдлэгтэй, гүн ухаантан Ф. Беконы тодорхойлж хэлсэнчлэн “мэдлэгийн “агуйн” болон “театрын төөрөгдөл”-д орсон” сэхээтнүүд бий болох магадлал өндөр болжээ. Гэхдаа мэдээллийн эх сурвалж олон болж одоо түүнийг төрөлжүүлэх, шүүж ангилах процессууд ИНТЕРНЕТ-ийн орон зайд явагдаж дуусаад, маш цэгцтэй хайлтын системээр хүн төрөлхтөн үйлчлүүлэх болсноор дээрх дутагдалтай зүйлүүд боловсролын салбарт гарч байна. Учир нь, Барууны боловсролын сайн тогтолцоо сайн мэргэжилтнийг бэлтгэхээсээ илүү сайн хүнийг бэлтгэх нь чухал учраас мэдээллийг боловсруулж, ангилж, дүгнэлт гарган амьдралдаа мэдээллийг зөв ашиглах чадвартай хүнийг бэлтгэхэд гол анхаарлаа хандуулахыг ойлгосонд оршино.
