Distancia entre dúas rectas que se cruzan no espazo

Persoa autora:
Paulo Glez Ogando
Nos pasos 1 a 3 compróbase se as rectas se cruzan ou non. De non ser así o que segue carece de sentido: de ser coincidentes a súa distancia sería 0, e de ser paralelas podes consultar como calcular a distancia entre elas premendo aquí.
Nos pasos 4 a 5 ofrécese un procedemento para calcular a distancia de rectas que se cruzan:
  1. Achar o plano paralelo a unha das rectas e que contén á outra das rectas.
  2. O cálculo da distancia redúcese ao cálculo da distancia entre un punto e un plano (podes consultar como premendo aquí).

Nos pasos 6 a 9 móstrase a obtención dunha fórmula para o cálculo da distancia entre dúas rectas que se cruzan. Para iso tense en conta o paralelepípedo determinado polos dous vectores directores das rectas e un terceiro vector que une un punto de cada unha delas. O volume dese paralelepípedo vén dado polo produto mixto dos tres vectores, mentres que a súa base é un polígono para o cal a área vén dada polo produto vectorial dos vectores que o determinan.