Nola Ireki edota Editatu GeoGebra-liburuak

Zure GeoGebra-baliabide guztien zerrenda zure GeoGebra Profil-orriko Baliabideak fitxan ikus dezakezu. Han, zure baliabideak edota agerian dauden beste erabiltzaile batzuenak bilatzeko, Bilaketa-eremua erabil dezakezu. Gainera, goitibeherako menuko iragazkiak erabil ditzakezu Liburuak zein Lan-orriak iragazteko, esaterako. Oharra: Agerian dauden beste erabiltzaile batzuen Liburuak bilatu, kopiatu eta baliabide eratorriak sor ditzakezu.
Image
Zerrendako zure GeoGebra-libururen bat aukeratu ostean, Liburua ireki egingo da. Goi-eskuin aldean aukera hauek dituzu erabilgarri:

Bilatu

Txunditzeko moduko baliabideak bilatzeko,  Bilatu ikonoa erabil dezakezu.

Gehitu Gogokoetan

Gehitu Gogokoetan ikonoa erabiliz gero Liburua zure Gogokoetan gehituko da. Oharra: Zure baliabide gogokoenak bilatzeko, zure Profil-orriko Baliabideak fitxako bilaketa-eremuko Gogokoak iragazkia erabil dezakezu. Oharra: Gogokoa ikono beteak jada zure Gogokoen artean dagoen baliabidea ireki duzula adierazi nahi du.

Partekatu

Partekatu ikonoa erabiliz gero baliabidea partekatzeko hainbat aukera dituen abisu-leihoa azalduko da:
  • Baliabidea argitaratu nahi duzun taldea aukera dezakezu.
  • Partekatze-esteka eskura dezakezu.
  • Esteka korreo elektronikoz bidal dezakezu.

Aukera gehiago

Menua ikonoak aukera gehiago ematen ditu:
  • Partekatu: Baliabidea talde batekin partekatu, partekatze-esteka eskuratu edota esteka korreo elektronikoz bidal dezakezu.
  • Editatu Liburua: Editatu ikonoa erabiliz gero Liburuan aldaketak egiten utziko dizun Liburuaren Editorea zabalduko da.
  • Kopiatu Liburua: Zure profilean gorde eta edita dezakezun Liburuaren kopia egiten du, bere egitura zein edukia berrerabili ahal izateko.
  • Zehaztapenak: Liburuaren ikuspegi orokorraren orrialdera bidaliko zaitu.
  • Jaitsi: Liburuaren ikuspegi orokorraren orrialdera bidaliko zaitu eta han Liburua jaitsi ahal izango duzu. Oharra: Liburua jaitsi ahal izan aurretik, GeoGebraren lizentzia ez-komertzialaren baldintzak onartu beharko dituzu.
  • Sarbide-ezarpenak: Zure baliabidearen ikusgaitasuna ezarri eta zer erabiltzailerekin partekatu nahi duzun erabaki dezakezu.
  • Ezabatu: Liburua zure GeoGebra-kontutik ezabatu egiten du.